صورة البروفايل؟؟؟؟!!!!

بسم الله الحمن الرحيم

معلش يا جماعة هنتكلم عن الموضوع اياه اللي زهقكم في عيشتكم )
وهو صورة البروفايل

◄ يووووووه بقى هو احنا ماوراناش غير الموضوع ده ولا ايه ؟

معلش خدوني على قد عقلي واسمعوني للآخر
الموضوع ده ممكن يكون مش مهم في نظركم بس ده ممكن يكون سبب بلاوي كتير

◄ ليه بقى يا ترى ؟؟

فيه جزئين لازم نتكلم عليهم :

الجزء الأول اللي هيضرك انتي شخصيا :
***************...**************
يا جماعة احنا اتكلمنا قبل كده ان مينفعش نحط صورنا على الفيس بوك لأن ده خطر علينا وعلى مستقبلنا وياما قرأنا عن هاكرز بيخترقوا المواقع و يأخذوا بيانات وصور وانا مجبتش الكلام ده من عندي
...

و ايه رأيكم ان بنات الغرب خايفين على سمعتهم واوباما حذرهم من وضع اي صور وبيانات فمن باب اولى احنا يا مسلمات نخاف على سمعتنا لأن الاسلام حافظ على المرأة وكرمها

نيجي بقى للجزء الثاني :
******************
مش معنى انك شيلتي صورتك تحطي اي صورة خادشة للحياء ولا واحدة شبه عارية
هل فكرتي مرة انها قد تكون سببا من أسباب ذنوبك

◄ازاي ؟؟؟

يعني مثلا لو حطيتي الصور المفتنه .. والمحركة للمشاعر بدون وجه حق اللي بتستفز الشهوات .. وتدل علي إغراءات
صور الفنانة الفلانية .. والمغنية العلانية
عامله بالظبط زي السيئة الجارية
وبتساعدي المغنية او الممثلة الأجنبيه إنها تتشهر أكتر
وأعمالها اللي بتقدمها وهي حرام بتاخدي ذنب عليها
متنسيش الدال علي شئ كفاعله وده مش كلامي
ده كلام حبيب ربنا ، وحبيبي وحبيبك سيدنا محمد صلي الله عليه وسلم

إنتي عارفة إن في حاجة إسمها الصدقة الجارية؟؟؟

◄أيوة طبعا عارفة انا بعمل حاجة وبفضل آخد عليها حسنات علي طول عشان أنا اللي دليت الناس عليها

طيب عارفة إن في سيئات جارية؟؟؟

◄إزاي؟؟

أيوة بتعملي حاجة وحشة أو مخالفة للدين فا تفضلي تاخدي وزر طلما أنتي اللي عاملاها

◄أيه اللي بتقوليه دة هو أنا عملت أيه يعني؟؟؟

مش أنتي حاطة صورة لو ولد شافها مش حيغض بصره وحياخد سيئات,

◄طيب وأنا مالي أنا مقلتش لحد يبص



◄بتضحكى علي أيه؟؟

يعني إزاي تاخدي حسنات علي شئ دليتي عليه ومتاخديش وزر علي شئ دليتي عليه◄

طيب إيه دليلك؟؟؟

من دعا إلى هدى ، كان له من الأجر مثل أجور من تبعه ، لا ينقص ذلك من
أجورهم شيئا . ومن دعا إلى ضلالة ، كان عليه من الإثم مثل آثام من تبعه ،
لا ينقص ذلك من آثامهم شيئا

الراوي: أبو هريرة -المحدث: مسلم - المصدر: صحيح مسلم - الصفحة أو الرقم: 2674-خلاصة حكم المحدث: صحيح

◄أيه ده بجد؟؟؟

شفتي بقي؟؟؟ يعني أنتي لما تحطي صورة حتي وأنتي نايمة بتاخدي سيئات بسبب أن الناس بتاخد سيئات بسببك

◄طيب أنا مكنتش عارفة

خلاص مش مشكلة توبي إلي الله وملهاش أي لازمة أنك تحطي صورة كدة
وممكن تحطي صورة دينية جميلة وتاخدي بسببها حسنات
او تحطي صور طبيعية او صور اطفال حتى

أختي إتقي الله وغيري صورة بروفايلك
انا بكلمك من منطلق الأخوة في الدين
وبنبهك عشانك مش عشان حد تاني
الصورة دي حرام جداً

طول ماهي محطوطة بتجبلك سيئات
وشوفي اخدتي كام سيئة لكل واحد شافها
متعرفيش طبعاً !!
كام واحد اخدها من عندك واستخدمها
برضو متعرفيش !!

اللي عايزك تاخدي بالك منه
ان الدنيا كلها متستحقش ترمي نفسك في حاجه زي دي
تفضل تجبلك سيئات عشان واحد او واحده
يقول انك حاطه صورة رومانسية او حساسة
ويقولك إنتي صورك جميلة جداً ومعبرة اوي
و ترضي نفسك وغرائزك كأنثي من المجاملات

الموت بيجي فجأة يا أختي
ولو مُـتي من غير ما تغيريها محدش هيعرف يغيرهالك
وهتفضل تجبلك سيئاااااات وتقولي يارب رجعني تاني وانا اغيرها

فوقي بالله عليكي وخافي اليوم اللي هتقفي فيه قدام ربنا
وقتها ولا هينعفك حبيبك اللي حطاله الصورة
ولا حتي إن كان جوزك
قولي للي بيحبك ينزل مكانك القبر كده
او حد من أصحابك اللي بيعجبهم صورك
وشوفي هيكون رده فعله إيه
مش هينفعك غير عملك
واللي اتكتبلك في صحيفتك

مش هتقل عليكي أكتر من كده
لكن انصري دينك يا اختي
عشان ربنا ينصرك ويحميكي ويحبك
ويوقفلك ولاد الحلال ويكتبلك الخير

◄خلاص والله إن شاء الله من دلوقتي حغيرها


((هذا الكلام للرجال أيضا))ـاتقوا الله إخواني

جزاكم ربي الفردوس الأعلي

===============================


نقلته لكم كما وصلني

واتمنى ان اكون وفقت فيما نقلت